काठमाडौं । तनहुँ निर्वाचन क्षेत्र नम्बर १ मा नेकपा एमालेका उम्मेदवार सर्वेन्द्र खनालको हार निश्चित देखिएको छ । पछिल्लो मत परिणाम अनुसार भारी मतान्तरले खनाल तेस्रो स्थानमा देखिएपछि उनको हार निश्चितप्राय बनेको हो ।
यता नेपाली काँग्रेस कोर एरियाबाटै घण्टीलाई दोब्बर मत आएपछि रास्वपाका उम्मेदवार डा.स्वर्णिम वाग्लेको जीत निश्चितप्राय बनेको छ । पछिल्लो मतपरिणाम अनुसार रास्वपाका वाग्ले निकटतम प्रतिद्वन्दी नेपाली कांग्रेसका गोविन्द भट्टराई भन्दा दोब्बर मतले अघि छन् ।
हालसम्म रास्वपाका स्वर्णिम वाग्लेले ७ हजार ३ सय ९३ मत पाउँदा कांग्रेसका गोविन्द भट्टराईले भने ३ हजार २ सय ३४ मत पाएका छन् । त्यस्तै, नेकपा एमालेका सवेन्द्र खनालले भने २ हजार १ सय ३४ मत पाउँदै तेस्रो स्थान पछ्याईरहेका छन् । आइतबार रातिदेखि सुरु भएको मतगणनामा रास्वपाका डा.वाग्लेले भारी मतान्तरसहित अग्रता कायम गरेपछि उनको जित निश्चितप्राय बनेको हो ।
यता तनहुँ १ मै नेपाली कांग्रेसको ‘कोर एरिया’ भनिएको ठाउँबाटै घण्टीलाई दोब्बर मत आएपछि वाग्लेको जित झनै निश्चित देखिएको हो ।
