काठमाडौं । चालु आर्थिक वर्ष २०८०/८१ का लागि आधा बैंक तथा वित्तीय संस्थाहरुले मात्रै आश्वा सदस्य नविकरण गरेका छन् ।

नियामक नेपाल धितोपत्र बोर्डबाट आस्वा सदस्यको काम गर्नका लागि अनुमति लिएका ५० बैंक तथा वित्तीय संस्थाहरुमध्ये आधाले मात्रै सदस्यता नविकरण गरेको बोर्डले जनाएको छ ।

आश्वा सदस्य लिएका बैंक तथा वित्तीय संस्थामध्ये केही बैंक वित्तीय संस्थाले मर्जर तथा एक्विजिशनका कारण सदस्यता नविकरण नगराएको पाइएको हो । तर, हाल आश्वा सदस्य लिएर काम गरिरहेका बैंक वित्तीय संस्थाले पनि सदस्यता नविकरण नगर्दा नियमित आईपीओ भर्ने लगानीकर्ताहरु समस्यामा परेका छन् ।

सदस्यता नविकरण नगरेका बैंक वित्तीय संस्थाहरुले २५ हजार रुपैयाँ तिरेर पुन सदस्यता लिन सक्ने धितोपत्र बोर्डले जानएको छ ।