काठमाडौं । कालीमाटी फलफूल तथा तरकारी बजार विकास समितिले आइतबारको लागि तरकारी तथा फलफूलको मूल्य सार्वजनिक गरेको छ । जसअनुसार, नेपाली ठूलो गोलभेँडाको मूल्य प्रतिकेजी १६० रुपैयाँमा बिक्री भईरहेको छ । लोकल सानो गोलभेँडाको मूल्य भने १० रुपैयाँले घटेर ७० रुपैयाँ कायम भएको छ । रातो आलुको न्यूनतम मूल्य ४८ रुपैयाँ र सेतो आलु ३६ रुपैयाँ न्युनतम मूल्य रहेको छ । स्थानीय काउलीको मूल्य पनि १० रुपैयाँले घटेर ६० रुपैयाँ न्युनतम मूल्य तोकिएको छ ।

यस्तै, गाजरको मूल्य प्रतिकेजी १०० रुपैयाँमा बिक्री भईरहेको छ भने घिउ सिमी लोकल ३०, मुला रातो ४०, भन्टा लाम्चो ३०, मकै बोडी ५०, भटमासकोशा ७० रुपैयाँ तोकिएको छ । तितो करेला ४०, लौका ४०, परवल ३५, घिरौला २५, फर्सी पाकेको ४०, हरियो फर्सी ६०, कन्ने च्याउ १८०, डल्ले च्याउ ३३०, काँक्रो लोकल ४० रुपैयाँ प्रतिकेजीमा खरीद बिक्री भईरहेको छ ।

त्यस्तै, रायोको सागमा मूल्य बढेर आएको छ । शनिबार प्रतिकेजी ७० रुपैयाँ रहेको साग आज ९० रुपैयाँ मूल्य निर्धारण गरिएको छ । तोरीको साग प्रतिकेजी ४० रुपैयाँ, हरीयो प्याज ७० रुपैयाँ न्युनतम मूल्य कायम रहेको छ ।

समितिका अनुसार फलफूमा केरा दर्जनको १४० रुपैयाँ तोकिएको छ । फूजी स्याउको मूल्य स्थिर प्रतिकेजी ३२० छ । कागती १३०, अनार ३००, आँप मालदह १८०, अंगुर कालो ४५०, तरबुजा हरियो ७०, मौसम १८०, किवि ७००, मेवा ९० रुपैयाँ र नासपाति लोकल ८० रुपैयाँ प्रतिकेजी युनतम मूल्य तोकिएको छ ।