काठमाडौँ । श्री एयरको जहाजमा समस्या देखिएको छ । शुक्रबार माउन्टेन फ्लाइटका लागि काठमाडौँको त्रिभुवन अन्तराष्ट्रिय विमानस्थलबाट उडेको श्री एयरको जहाजमा एक्कासी समस्या देखिएको हो ।

४२ जना यात्रु लिएर उडेको जहाजमा अचानक समस्या देखिएपछि जहाजलाई आकस्मिक अवतरण गराइएको छ ।

श्री एयरलाइन्सका प्रबन्धक अनिल मानन्धरका अनुसार उडान भरेको केही बेरमै जहाजको बाँयातर्फको इन्जिनमा समस्या देखिएको थियो । इन्जिनमा समस्या देखिएको थाहा पाउनेबित्तिकै जहाजलाई आकस्मिक अवतरण गराइएको मानन्धरले बताएका छन् ।

यता त्रिभुवन विमानस्थलले भने जहाजको इन्जिनमा समस्या देखिएपछि सुरक्षा जोखिमलाई ध्यानमा राख्दै लामो समय आकाशमै जहाज ‘होल्ड’ गरेर इन्धन खाली भएपछि अवतरण गराइएको थियो । विमानका सबै यात्रुहरु सुरक्षित रहेको विमानस्थलले जनाएको छ । हाल उक्त जहाजको प्राविधिक जाँच भइरहेको एयरलाइन्सले जनाएको छ ।