काठमाडौं । नैकपा एमालेका उपाध्यक्ष एवम् संविधानसभा सभा अध्यक्ष सुवास नेम्वाङको अन्त्येष्टि बुधबार गरिने भएको छ । सोमबार राति निधन भएका नेम्वाङका दुई छोरा विदेशमा रहेका कारण उनको अन्त्येष्टि बुधबार गरिने भएको हो ।

नेम्वाङका दुई छोरामध्ये जेठा छोरा मिङ्सो नेम्वाङ बेलायतमा छन् भने कान्छा छोरा सुहाङ नेम्वाङ अष्ट्रेलियामा रहेका छन् ।

बेलायतमा रहेका मिङ्सो बुधबार दिउँसो ४ बजे नेपाल फर्किदैछन् भने कान्छा छोरा ैमंगलबार राति ११ बजे नै फर्किदैछन् । उनी १५ दिन अघिमात्रै अष्ट्रेलिया गएका थिए ।

नेम्वाङका ४ सन्तानमध्ये दुई छोरी भने काठमाडौंमै छन् । दुवै छोरा विदेशबाट फर्किएपछि मात्रै नेम्वाङको अन्त्येष्टि गरिनेछ । त्यतिन्जेल नेम्वाङको पार्थिव शरीर एमालेको पार्टी कार्यालय च्यासलमा राखिनेछ । हाल स्वर्गीय नेम्वाङलाई राजकीय सम्मान दिने निर्णय गर्नका लागि मन्त्रिपरिषद्को आकष्मिक बैठक बस्दैछ ।