काठमाडौं । प्रहरीले अभिनेता अनमोल केसीलाई रिहा गरेको छ । उनलाई अनुसन्धानका लागि हिरासतमा राख्नुपर्ने अवस्था नदेखिएकाले छाडिएको प्रहरीको भनाई छ ।
अर्को अपराध गर्न सक्ने, प्रमाण मेटाउन सक्ने र फरार हुन सक्ने कारण अभियुक्तलाई हिरासतमा राख्ने गरिन्छ । तर कानुनअनुसार हिरासतमा राख्ने तीनै कारणमा अनमोल केसी नपरेकाले उनलाई हिरासतमुक्त गरिएको हो ।
उनलाई प्रहरीले बोलाउँदा आउने सर्तमा छोडिएको प्रहरीको भनाई छ । प्रहरीले उनलाई शुक्रबार बेलुका साँगाबाट पक्राउ गरेको थियो ।
