काठमाडौँ । राजश्व चुहावट मुद्दाका फरार प्रतिवादी पक्राउ परेका छन् । कपिलवस्तु जिल्ला शिवराज नगरपालीका वडा नं.४ घर भई हाल जिल्ला बाँके, नेपालगंज उपमहानगरपालीका वडा नं.१मा बस्ने ३६ बर्षीय कुतबुद्दिन शेष पक्राउ परेका हुन ।
राजश्व अनुसन्धान कार्यालय बुटवलले अन्तशुल्क स्टिकर टााँस नगरिएको इको प्लस गुट्खा १५८.३६ केजी वरामद गरी नेपालगंज उपमहानगरपालिका वडा नं.१ खजुरारोड, बाँके स्थित नेपाल पान मसला उद्योगको आर्थिक बर्ष २०७३/७४, २०७४/७५ र २०७५/७६ को खरिद खाता, विक्रि खाता, उत्पादन खाता, अन्तस्शुल्क स्टिकरको विवरण, बैंक स्टेटमेन्ट, विद्युत खपतको विवरण, उद्योग विभागबाट कच्चा पदार्थ तथा प्याकेजिङ् मेटेरियल खपत प्रयोग अनुपातको आधारमा छानविन तथा अनुसन्धान गरेको थियो ।
उक्त उद्योगका संचालक प्रतिवादीले कच्चा पदार्थको हिसाब किताब र लेखा लापरबाही तथा त्रुटीपुर्ण तवरले राखी प्रचलित कानून बमोजिम कच्चा पदार्थ एवं प्याकेजिङ् मेटेरियलको खपत र सोबाट हुने उत्पादनको हिसाब उद्योग विभागबाट प्राप्त भएको नम्स अनुसार नराखी बढी गुट्खा उत्पादन गरी स्टिकर नलगाएर बिक्रि वितरण गरेको भन्ने राजश्व चुहावट अनुसन्धान तथा नियन्त्रण ऐन, २०५२ दफा ४ को ‘क ‘ र ‘ख’ तथा दफा २ (छ १) अनुसारको अन्त:शुल्क, मुल्य अभिवृद्धि कर र आयकरको राजश्व चुहावट गरेको कसूरमा उच्च अदालत तुलसीपुरको २०७८ पुष १४ गतेको फैसलाले प्रतिवादीलाई ६ महिना कैद हुने ठहर गरेको हो ।
साथै, सरकारी बाँकी सरह असुल गर्नुपर्ने राजश्व चुहावट गरेको विगो रकम ३ करोढ ९९ लाख १० हजार ९ सय ३ रुपैयाँ तथा जरिवाना १ करोढ ९९ लाख ५५ हजार ४ सय ५२ गरी जम्मा ५ करोढ ९८ लाख ६६ हजार ३ सय ५५ रुपैंया वेरुजू रही निज प्रतिवादी फरार रहेकोमा निजलाई उक्त कार्यालयबाट खटीएका प्रहरी टोलिले २०८० असोज १७ गते चन्द्रौटा, कपिलवस्तुबाट पक्राउ गरेको हो ।
उक्त प्रतिवादीलाई प्रहरीले फैसला कार्यान्वयनको लागि २०८० असोज १८ गते काठमाडौं जिल्ला अदालतमा पेश गरेको प्रहरी उपरीक्षक नबराज अधिकारीले जानकारी दिएका छन् ।
