काठमाडौँ । हिमालयन रिइन्स्योरेन्सको प्रिमियमको आईपीओ रोक्न माग गर्दै सर्वोच्च अदालतमा रिट दायर भएको छ । नेपाल धितोपत्र बोर्ड खुमलटार ललितपुर , नेपाल धितोपत्र बोर्डको संचालक समिति , नेपाल धितोपत्र बोर्डका अध्यक्ष रमेश कुमार हमाल , हिमालयन रिईन्स्योरेन्स लि, बीमा प्राधिकरण , बीमा प्राधिकरणका अध्यक्ष सूर्य प्रसाद सिलवाल र बीमा प्राधिकरणको संचालक समितिलाई विपक्षी बनाए अधिवक्ता भीमसेन रायमाझी र यम प्रसाद भट्टराईले संयुक्त रुपमा रिट दायर गरेका हुन्। रिट निवेदनमा आईपीओ तत्काल रोक माग गरिएको छ ।
सो रिटको पेशी मङ्सिर १० गते आइतबारको लागि तोकिएको छ ।
नेपाल धितोपत्र बोर्डले कार्तिक १ गते कम्पनीलाई आईपीओ निष्काशन गर्न अनुमति दिएको हो ।
