काठमाडौँ । चार्टर्ड एकाउन्टेन्ट रामचन्द्र खनाल कुमारी बैंक लिमिटेडको प्रमुख कार्यकारी अधिकृतको पदमा नियुक्त भएका छन् । बैंकको आज बसेको संचालक समितिको बैठकले उनलाई सीइओमा नियुक्त गरेको हो । उनी मर्जरअघि पनि कुमारी बैंकका सीइओ थिए । त्यसपछि कुमारी र एनसीसी मर्जर भएका थिए । मर्जरपछि तत्कालीन एनसीसी बैंकका रमेश राज अर्याल सीइओ भएका थिए भने खनाल डेपुटी सीइओ भएका थिए । अर्यालले दिएको राजीनामा स्वीकृत गर्दै खनाल ४ बर्षका लागि सीइओ नियुक्त भएका हुन् ।
उनी नेपाल चार्टड एकाउन्टेन्ट्स संस्था (आइक्यान)का काउन्सिल सदस्य पनि हुन् ।
सिद्धार्थ बैंकमा ८ वर्ष काम गरेपछि उनी कुमारीमा एसिस्टेन्ट जनरल म्यानेजरमा प्रवेश गरेका थिए । त्यहाँ आउनुअघि उनले सानिमा बैंकमा पनि केहि समय काम गरेका थिए ।
अर्थ सरोकारसँग कुराकानी गर्दै उनले बैंकलाई आफ्नो नेतृत्वमा थप अब्बल बनाउन प्रयास गर्ने बताएका छन् ।
