काठमाडौँ । तीन करोड खर्च गरेर सञ्चालनमा आएर बन्द भएको द्रुत बस सेवाका लागि थप २० लाख खर्च गर्ने तयारी गरिएको छ । सञ्चालनमा आएको महिना दिन पनि नबित्दै बन्द भएको उक्त सेवालाई थप प्रभावकारी बनाउने भन्दै सडक विभागले थप २० लाख खर्च गर्ने तयारी गरेको हो । 

यसो त यसअघि ४ वटा कम्पनीमार्फत सडकमा रातो रंग लगाउने, ट्राफिक संकेत राख्ने काममा विभागको करिब ३ करोड १० लाख रुपैयाँ खर्च भइसकेको छ । 

तर, उक्त खर्चको बिल भुक्तानी हुन नपाउँदै विभागले द्रुत बस सेवालाई प्रभावकारी बनाउने भन्दै उक्त रुटमा डिभाइडर राख्न थप २० लाख खर्च गर्ने भएको हो ।

विभागले पुनः खर्च गर्न लागेको २० लाख अन्तर्गत डेडिकेटेड लेन बनाउनका लागि करिब ६ सय वटा डिभाइडर खरिद गरिनेछ । त्यस्तै, विभागले सोही खर्च अन्तर्गत डोरी पनि खरिद गर्नेछ ।