काठमाडौँ । सांसद विकास कोषको ८ अर्ब २५ करोड रुपैयाँ भूकम्प पीडितको घर निर्माणमा खर्च गर्ने भएको छ । सोमबार बिहान बसेको मन्त्रिपरिषद्को बैठकले यस्तो निर्णय गरेको हो ।

संसदीय क्षेत्र पूर्वाधार विकास कार्यक्रमको ८ अर्ब २५ करोड रुपैयाँ विनाशकारी भूकम्पका कारण प्रभावित जाजरकोट र रुकुम पश्चिमका प्रभावितहरुको घर निर्माणमा खर्च गर्ने निर्णय भएको सरकारका प्रवक्ता तथा सञ्चार तथा सूचना प्रविधि मन्त्री रेखा शर्माले जानकारी दिइन् ।

मन्त्री शर्माका अनुसार भूकम्प प्रभावितको घर निर्माण कार्यका लागि सांसद कोषको उक्त रकममा थप १ अर्ब ७५ करोड थपेर कुल १० अर्बको भूकम्प पीडित राहत कोष बनाइने निर्णय गरिएको हो ।