">
काठमाडौँ । यतिबेला हिमालयन रिको विषयमा सार्वजनिक लेखा समितिले धितोपत्र बोर्ड र प्राधिकरणमा पठाएको पत्र चर्चामा छ । सो पत्रमा हिमालयन रि लगायत प्रिमियममा आएका अन्य कम्पनीहरुको बारेमा के कसो भएको हो भनी समितिका तर्फबाट प्रश्न गरिएको छ ।
‘बोर्डलाई सो पत्रबारे जानकारी गराइएको छ, तर बोर्डले सो पत्र बुझिसकेको छैन । सो पत्रमा प्रश्नमात्र सोधिएको र आईपीओ रोक्न निर्देशन नआएको भन्ने खबर आएको छ ।’ बोर्ड स्रोतले अर्थ सरोकारसँग भन्यो, ‘सम्भवत भोलि बोर्डले सो पत्र बुझ्नेछ।’
यता सार्वजनिक लेखा समितिका लेखा समिति सचिव एकराम गिरीले प्रिमियमको आईपीओ रोक्न निर्देशन नदिईएको प्रष्ट पारे । उनले यस विषयमा बोर्डलाई पत्र काटिएको भने सत्य रहेको बताए ।
यद्यपी सार्वजनिक लेखा समितिका एक अर्का सदस्यले भने आईपीओ रोकेर फाइल झिकाउने कुरा भएको र अन्तिममा प्रष्टीकरणको पत्र गएको भन्दै आश्चार्य व्यक्त गरेका छन् । ‘अव पत्र जे गयो त्यहि नै आधिकारिक हुने भयो ।’ ती सदस्यले अर्थ सरोकारसँग भने, ‘हामीलाई हिमालयन रिको आईपीओ रोकेर फाइल झिकाउने कुरा भएको थियो, सोहि छलफल भएको थियो । हामीलाई उल्टै पंगु बनाइएछ ।’
