">
काठमाडौँ । माछापुच्छ्रे बैंकका अध्यक्ष डा. उपेन्द्र महतोले राजीनामा दिएका छन् । मंसिर ७ गते (बिहीबार) महतोले बैंकको सञ्चालक समितिसमक्ष अध्यक्ष पदबाट राजिनामा दिएका हुन् ।
गैरआवासीय नेपाली संघ (एनआरएन) का संस्थापकसमेत रहेका महतोको राजीनामा बैंकको सञ्चालक समितिले स्वीकृतसमेत गरिसकेको छ ।
राजीनामा स्वीकृत गरेको जानकारी समितिले एक विज्ञप्तिमार्फत जनाएको छ ।
डा. महतोको राजिनामा स्वीकृत गरेसँगै समितिले बैंकको अध्यक्षमा रोशन केसीलाई नियुक्त गरेको छ । सञ्चालक समितिका सदस्य रहेका केसीलाई समितिको ४९१ औँ बैठकले मंसिर ७ गतेदेखि लागू हुनेगरि अध्यक्षमा नियुक्त गरिएको बैंकले जनाएको छ । केसी पोखरा महानगरपालिका–७ का बासिन्दा हुन् ।
