काठमाडौँ । नेपाल पुनर्बीमा कम्पनीको १०औँ वार्षिकोत्सव कार्यक्रम स्थगित भएको छ । आइतबार एक विज्ञप्ति जारी गर्दै कम्पनीले २१ कात्तिकमा मनाउने भनिएको वार्षिकोत्सव कार्यक्रम स्थगित गरेको जानकारी दिएको हो ।
शुक्रबार राती जाजरकोट केन्द्रबिन्दु भएर गएको शक्तिशाली भूकम्पमा परी ठूलो मानवीय तथा आर्थिक क्षति भएको भन्दै कम्पनीले वार्षिकोत्सव कार्यक्रम स्थगित गरेको कम्पनीका प्रवक्ता दामोदर भण्डारीले जानकारी दिएका छन् ।
वार्षिकोत्सवको अवसरमा शुक्रबार गरिएको रक्तदान कार्यक्रममा ८० जनाको सहभागिता रहेको तथा ६८ जनाले रक्तदान गरेको कम्पनीद्धारा जारी विज्ञप्तीमा उल्लेख गरिएको छ ।
