काठमाडौँ । कैलालीबाट बैंक एकाउन्ट ‘ह्याक’ गर्ने गिरोह पक्राउ परेको छ । बुधबार जिल्ला प्रहरी कार्यालय कैलालीले धनगढीबाट उक्त गिरोहलाई पक्राउ गरेको हो ।
उक्त गिरोहले धनगढिस्थित नेपाल राष्ट्र बैंकको कार्यालय नजिक आफ्नै कार्यालय स्थापना गरी बैंक एकाउन्ट ‘ह्याक’ गर्ने गरेको पाइएको जिल्ला प्रहरी कार्यालय कैलालीका प्रहरी निरीक्षक अनिल विष्टले बताएका छन् । विष्टका अनुसार पक्राउ परेकाहरुमाथि थप अनुसन्धान भइरहेको छ ।
प्रदेश अपराध अनुसन्धानको टोलीको लामो अनुसन्धानपछि बुधबार कैलाली प्रहरीको सहयोगमा उनीहरुलाई पक्राउ गरिएको हो । पक्राउ पर्नेहरुको परिचय भने अहिले खुल्न सकेको छैन् ।
पक्राउ परेका व्यक्तिहरुबाट १० थान ल्यापटप बरामद गरिएको छ ।
