काठमाडौँ । राष्ट्रिय स्वतन्त्र पार्टी (रास्वपा)का सभापति रवि लामिछानेले संसदमा सेयर बजारबारे आवाज उठाएका छन् । बिहीबार बसेको प्रतिनिधिसभाको बैठकमा रविले सेयर बजारबारे बोलेका हुन् ।
उनले पछिल्लो समय घाटामा गएका कम्पनीले पनि ‘कृतिम नाफा’ देखाएर आईपीओ जारी गर्ने प्रवृत्तिप्रति आपत्ति जनाएका छन् । आईपीओ जारी गरेर जनता ठग्ने प्रवृत्तिको बेलैमा अन्त्य गर्नुपर्ने उनले बताएका छन् ।
‘अहिले आईपीओका नाममा पनि घाटा लागेका संस्थाहरुलाई बुकमा नाफा देखाएर नागरिकको पैसा ठग्ने काम सुरु भएको छ ।’, उनले भने, ‘समयमै यी विषयमा ध्यान दिइएन भने हामी अर्को ठूलो संकटतर्फ पुग्नेछौँ ।’
