‘मैले लोकसेवाको कुनै पनि परीक्षा पास गरेको छैन । साथीहरुले कुरै नबुझी समाचार बनाइदिनुभएछ । लोकसेवाको परीक्षा पास गर्नु त टाढाको कुरा म लोकसेवाको कुनै पनि परीक्षामा सहभागीसमेत भएको छैन ।’, अर्थ सरोकारसँग कुराकानी गर्दै अध्यक्ष रोकायले भने, ‘यसै पनि अहिले लोकसेवाको कुनै पनि परीक्षाको नतिजा आएकै छैन । उहाँहरुले कसरी के लेख्नुभयो मलाई थाहा छैन । तर मैले लोकसेवाको परीक्षा पास गरेको होइन ।’

‘अनि अमिनमा नाम निकालेको भन्ने चाहिँ के हो ?’ भन्ने हाम्रो प्रश्नमा अध्यक्ष रोकायले बरु आफूले लोकसेवाको नभएर पालिकाको परीक्षा उतिर्ण गरेको बताए ।

‘’लोकसेवाको परिक्षा नै दिएको छैन, कसरी पास हुनु ? लोकसेवा होइन, बरु मैले पालिकाको अमिनको परीक्षा पास गरेको चाहिँ हो । साथीहरुले त्यही फेसबुकमा लेखेछन् अनि त्यसैलाई आधार मानेर समाचार बनेछ ।’, अध्यक्ष रोकायले भने, ‘मलाई लोकसेवाको परीक्षामा सहभागी हुनुछैन । म आगामी पाँच वर्ष यहीँ ठिक छु । ढुक्क भएर यही काम गर्छु ।’