">
काठमाडौं । नक्कली भुटानी शरणार्थी प्रकरणमा थुनामा रहेका पूर्व गृहमन्त्री बालकृष्ण खाँणलाई धरौटीमा छाड्न आदलतले आदेश दिएको छ । खाँणलाई थुनामा पठाउनुपर्ने भनी जिल्ला अदालत काठमाडौंले दिएको आदेश बदर गर्दै उच्च अदालतले थुनामुक्त गर्न आदेश दिएको हो ।
न्यायाधीश कृष्णराम कोइरालाको इजलासले उनलाई ३० लाख धरौटीमा छाड्न आदेश दिएको हो । जिल्ला अदालतको आदेशबमोजिम थुनामा रहेका खाँणलाई छाड्ने विषयमा मंसिर १५ गते न्यायाधीशहरु जनक पाण्डे र प्रकाश खरेलबीच राय बाझिएपछि बिहीबार तेस्रो न्यायाधीशको इजलासमा सुनुवाइ भएको हो ।
न्यायाधीश पाण्डेयले खाँणलाई ३० लाख धरौटीमा छोड्नुपर्ने राय दिएका थिए । तर, न्यायाधीश खरेलले भने खाँणलाई थुनामै राख्नु पर्ने राय दिएका थिए । दुवै न्यायाधीशहरुको राय बाझिएपछि निवेदन तेस्रो न्यायाधीशको इजलासमा पठाउने आदेशअनुसार आज एकल इजलासमा सुनुवाइ भएको हो ।
