काठमाडौँ । आइतबार सेयर बजारमा दोस्रो ‘पोजेटिभ सर्किट’ लागेपछि बजार पुनः बन्द भएको छ । कारोबार सुरु भएको ५ मिनेट ४८ सकेण्डमै बजार ४ प्रतिशतले बढेर ‘पोजेटिभ सर्किट’ लागेपछि बजार २० मिनेटका लागि बन्द भएको थियो ।

तर, बजार बन्द भएको २० मिनेटपछि बजार खुल्ने बित्तिकै बजार ५ प्रतिशतले बढेर दोस्रो पटक ‘पोजेटिभ सर्किट’ लागेपछि बजार दोस्रो पटक बन्द भएको हो । यसपटक बजार ४० मिनेटका लागि बन्द भएको छ ।

साताको कारोबार पहिलो दिनमै यसरी बजार बढ्नुलाई धेरैले मौद्रिक नीतिको समीक्षाको प्रभावका रुपमा विश्लेषण गरेका छन् । मौद्रिक नीतिको समीक्षामा राष्ट्र बैंकले सेयर धितो कर्जामा जोखिम भार घटाएसँगै तथा ब्याजदर घटाउने र कर्जा प्रवाह बढाउने नीति लिएसँगै बजारमा उत्साह देखिएको हो ।