काठमाडौं । साताको कारोबारको दोश्रो दिन सोमबार सेयर बजारमा करेक्सन देखिएको छ । आइतबारको तुलनामा नेप्से परिसूचक १५.४० अंकले घटेर १९४८.५७ बिन्दुमा पुगेको हो ।
सोमबार नेप्सेमा कुल ३०३ कम्पनीको १ करोड ४६ लाख ९८ हजार ५ सय १७ कित्ता सेयर खरिद बिक्री हुँदा ४ अर्ब ८४ करोडमाथिको सेयर कारोबार भएको छ । आज सबैभन्दा बढी कारोबार सोनापुर मिनिरल्स एण्ड आयल लिमिटेडको भएको छ । यस कम्पनीको २५ करोड १५ लाख ६० हजार ६ सय ७ रुपैयाँ ४० पैसा बराबरको सेयर कारोबार भएको छ ।
यस्तै सोमबारको सेयर बजारमा सबैभन्दा बढी नाफा बोटलर्स नेपाल (बालाजु) लिमिटेडले कमाएका छन् । यस कम्पनीको सेयर मूल्यमा पोजेटिभ सर्किट लागेको हो । यस अलवा सामुदायिक लघुवित्त वित्तीय संस्था लिमिटेड, दोल्ती पावर कम्पनी, हाथवे इन्भेस्टमेन्ट नेपाल, इन्फिनिटी लघुवित्त र मानुषी लघुवित्त वित्तीय संस्थाका लगानीकर्ताहरु पनि मालामाल भएका छन् । हेर्नुहोस् सोमबारको सेयर बजारमा सबैभन्दा बढी नाफा गर्ने कम्पनीहरूको सूचीः
यसैबीच सोमबारको सेयर बजारमा सबैभन्दा बढी कारोबार सोनापुर मिनिरल्स एण्ड आयल लिमिटेडको भएको छ । यस कम्पनीको २५ करोड १५ लाख ६० हजार ६ सय ७ रुपैयाँ ४० पैसा बराबरको सेयर कारोबार भएको छ । यस अलावा रिलायबल नेपाल लाइफ इन्स्योरेन्स, सिटिजन्स लाइफ इन्स्योरेन्स, माउनटेन इनर्जी नेपाल, शिवम् सिमेन्ट र सानिमा जीआइसी इन्स्योरेन्समा पनि अत्याधिक कारोबार भएको छ । हेर्नुहोस् सोमबारको सेयर बजारमा सर्वाधिक कारोबार हुने कम्पनीहरूको सूचीः
यस्तै सोमबारको सेयर बजारमा समता घरेलु लघुवित्त वित्तीय संस्थाका लगानीकर्ताले सबैभन्दा बढी गुमाएका छन् । यस कम्पनीको सेयर मूल्य ७ प्रतिशतभन्दा धेरैले घटेको हो । समता घरेलु लघुवित्तमा यस्तो गिरावट आउँदा मन्दाकिनी हाइड्रोपावर, स्वाभिमान लघुवित्त वित्तीय संस्था, एशियन हाइड्रोपावर र अपर स्याँगे हाइड्रोपावरमा पनि उच्च गिरावट देखिएको छ । हेर्नुहोस् सोमबारको सेयर बजारमा सबैभन्दा बढी गुमाउने कम्पनीहरुको सूचीः
