">
काठमाडौँ । नेपाल स्टक एक्सचेञ्ज (नेप्से)को अध्यक्षमा शोभाकान्त पौडेल नियुक्त भएका छन् । मन्त्रिस्तरीय निर्णय गर्दै अर्थमन्त्री डा. प्रकाशशरण महतले पौडेललाई नेप्सेको अध्यक्षमा नियुक्त गरेका हुन् । पौडेलको नेप्से अध्यक्षमा मंगलबार बेलुका पदबहाल गर्ने कार्यक्रम रहेको छ ।
भन्सार विभागका महानिर्देशकसमेत रहेका पौडेलले नेपाल धितोपत्र बोर्ड र नेपाल पुनर्बीमा कम्पनीको अध्यक्षको जिम्मेवारी निभाइसकेका छन् । उनी यसअघि तत्कालीन बीमा समितिको सञ्चालक समितिको सदस्य समेत थिए ।
हाल नेप्से अध्यक्ष रहेका अर्थ मन्त्रालयको वित्तीय क्षेत्र व्यवस्थापन तथा संस्थान समन्वय महाशाखा प्रमुख भुपाल बराललाई फिर्ता बोलाउँदै अर्थमन्त्री डा. प्रकाशशरण महतले नेप्सेको अध्यक्षमा पौडेललाई नियुक्त गरेका हुन् । नेप्सेको अध्यक्षमा नियुक्त भएसँगै पौडेलले नेप्से सुदृढिकरणमा निर्णायक भूमिका खेल्ने प्रतिबद्धता जनाएका छन् ।
पौडेलसँग ठूला करदाता कार्यालय तथा आन्तरिक राजस्व विभाग प्रमुखको कार्यानुभव रहेको छ ।
