काठमाडौँ । १४ किलो तस्करीको सुनसहित त्रिभुवन अन्तराष्ट्रिय विमानस्थलबाट एकजना पक्राउ परेका छन् । फ्लाई दुबईको जहाजमार्फत काठमाडौँ आएका चन्द्र घले तस्करीको सुनसहित पक्राउ परेका हुन् । उनको साथबाट प्रहरीले झण्डै १४ किलो अवैध सुर बरामद गरेको छ । घले गोरखाका बासिन्दा हुन् ।

घलेले लुकाइछिपाई सुनको तस्करी गर्न लागेको भन्ने पूर्व सूचनाका आधारमा प्रहरीले विमानस्थलमा निगरानी बढाएको थियो । सोही क्रममा बिहीबार राति घले पक्राउ परेका हुन् ।

उनले आफूले शरिरमा सुन राख्नका लागि छुट्टै कपडा लगाएका थिए । भित्री कपडामा सनु हालेका घलेले बाहिरबाट ज्याकेट लगाएका थिए ।

बरामद गरिएको सुन शुक्रबार जोखिने भएको छ । सुन जोखिसकेपछि त्यसको गुणस्तर परीक्षण पनि शुक्रबार नै गरिने त्रिभुवन अन्तराष्ट्रि विमानस्थलको भन्सार विभागले जनाएको छ । हाल पक्राउ परेका घलेमाथि थप अनुसन्धान भइरहेको प्रहरीले जनाएको छ ।