काठमाडौँ । उच्च अदालत पाटनले नक्कली भुटानी शरणार्थी प्रकरणमा पूर्वमन्त्री टोपबहादुर रायमाझीलाई पुर्पक्षका लागि थुनामै राख्न आदेश दिएको छ । 

न्यायाधीश जनक पाण्डे र प्रकाश खरेलको संयुक्त इजलासले रायमाझीलाई थुनामै राख्न आदेश दिएको हो । 

रायमाझीसँगै अदालतले इन्द्रजित राई, केशव दुलाल, आङटावा शेर्पासहित ८ जनालाई थुनामा राख्न आदेश दिएको छ । यसअघि जिल्ला अदालत काठमाडौँले रायमाझीसहित ८ जनालाई थुनामा राख्न आदेश दिएको थियो । सोही आदेशलाई उच्चले पनि सदर गरेको हो । 

त्यस्तै, सोही प्रकरणमा पूर्वमन्त्री रायमाझीका छोरा सन्दीप रायमाझीलाई भने अदालतले धरौटीमा छोडन् आदेश दिएको छ । उच्च अदालत पाटनले उनलाई ३० लाख रुपैयाँ धरौटीमा छोड्न आदेश दिएको हो । सन्दीपविरुद्ध अभियोग दाबीबाट कसुर पुष्टि हुने नदेखिएको अदालतले ठहर गरेको छ ।