काठमडौँ । पूर्वाधार विकास बैंक (निफ्रा)ले लकइन पिरियडबारे गलत सूचना सच्याएको छ । लकइन पिरियडबारे गलत सूचना सार्वजनिक गरेको समाचार अर्थ सरोकारले सम्प्रेषण गरेपछि निफ्राले यसअघि सार्वजनिक गरेको लकइन पिरियडबारे सूचना सच्याएको हो ।
बैंकले बुधबार सार्वजनिक गरेको सूचनामा संस्थापक सेयर धनीतर्फको १२ करोड १६ लाख कित्ता सेयर लक इन खुल्ने भनेको थियो । तर, बैंक तथा वित्तीय संस्था ऐन (बाफिया) अनुसार सो कम्पनीको सेयर ‘फ्रीली ट्रेडेबल’ हुनेगरी लकइन १० वर्ष नपुगी खुल्दैन । अर्थात प्रचलित व्यवस्था अनुसार १० वर्ष नुपगी निफ्राको कुनै पनि हिस्सा परिवर्तन गर्द मिल्दैन ।
५ वर्षपछि बैंकका सेयरधनीहरुले निश्चित कार्यविधि पूरा गरेर सेयर नामसारी गर्न मिल्ने र सेयर धितो राखेर कर्जा लिन मिल्ने व्यवस्था मात्रको स्थितिलाई अपव्याख्या गर्दै निफ्राले भ्रामक सूचना सार्वजनिक गरेको थियो । तर, नफ्राले सार्वजनिक गरेको भ्रामक सूचनाबारे अर्थ सरोकारले समाचार सम्प्रेषण गरेपछि निफ्राले सूचना सच्याएको छ । यस्तो छ सच्याइएको निफ्राको सूचनाः
