काठमाडौँ । कृषि विकास बैंकले ११२ जना कर्मचारीका लागि जागिर खुलाएको छ । बैंकले एक सूचना सार्वजनिक गर्दै शाखा अधिकृतदेखि लेखापालसम्मको पदमा ११२ जना कर्मचारी माग गरेको हो ।

बैंकले २ जना शाखा प्रमुख, २ जना वरिष्ठ लेखा अधिकृत, ३२ जना व्यवसाय अधिकृत, २ जना कम्प्युटर अधिकृत, १ जना आइटी इन्जिनियर, ६ जना कर्जा अधिकृत, १६ जना व्यवसाय सहायक, एक जना कानुन सहायक, ३ जना कर्जा सहायक, १ जना ओभरसियर र ४६ जना लेखापालका लागि दरखास्त आह्वान गरेको छ ।

बैंकले दरखास्त मागेका पदहरुमा योग्यता पुगेका इच्छुकहरुले चैत्र १ गतेसम्म आवेदन दिन सक्नेछन् । आवेदन अनलाइनमार्फत भर्न सकिनेछ । विभिन्न पदका लागि दरखास्त शुल्क भने फरकफरक तय गरिएको छ ।