काठमाडौं । वैदेशिक रोजगारीका लागि पोल्याण्ड पठाईदिन्छु भन्दै रकम ठगी गर्ने एक जनालाई प्रहरीले पक्राउ गरेको छ । पक्राउ पर्नेमा काठमाडौँ जिल्ला काठमाडौँ महानगरपालिका वडा नं. ४ बालुवाटार बस्ने २६ वर्षीय गोबिन्द थापा रहेका छन् ।
उनले इन्द्र कुमार खवासलाई पोल्याण्ड पठाईदिने र पोल्याण्ड पुगेपछि प्रतिष्ठित कम्पनीमा काम लगाइदिन्छु, मासिक एक लाख तलब हुन्छ भन्दै प्रलोभनमा पारेर तीन लाख ७० हजार रुपैयाँ ठगी गरेका थिए ।
उनलाई काठमाडौं उपत्यका अपराध अनुसन्धान कार्यलयबाट खटिएको प्रहरी टोलीले फागुन २२ गते पुतलीसडकबाट पक्राउ गरेको हो । पक्राउ परेका थापालाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।
