काठमाडौं । वैदेशिक रोजगारीका लागि अमेरिका पठाईदिने भन्दै रकम ठगी गर्ने एक जनालाई प्रहरीले पक्राउ गरेको छ । पक्राउ पर्नेमा उदयपुर जिल्ला त्रियुगा नगरपालिका वडा नं. ७ घर भई हाल काठमाडौँ जिल्ला टोखा नगरपालिका वडा नं.१० गंगबु बस्ने ३६ वर्षीय लोक बहादुर राउत रहेका छन् ।
उनले खिमा डाँगी सहित दुई जनालाई अमेरिकाको प्रतिष्ठित कम्पनीमा काम लगाईदिने, मासिक ७ लाख ५० हजार तलब हुन्छ भन्दै प्रलोभनमा परेर ६० लाख रुपैयाँ ठगी गरेका थिए । उनले अमेरिका जान प्रतिव्यक्ति ८० लाख लाग्ने बताएका थिए ।
उनलाई काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले फागुन २८ गते गंगबुबाट पक्राउ गरेको हो । हाल पक्राउ परेका राउतलाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।
