काठमाडौं । राष्ट्रिय स्वतन्त्र पार्टीको चौतर्फी क्रेज हुँदा पनि चुनावमा लज्जास्पद हार व्यहोरेका पूर्व डिआइजी रमेश खरेलले राष्ट्रिय स्वतन्त्र पार्टी (रास्वपा) छाडेका छन् । पार्टी सभापति रवि लामिछानेविरुद्ध निराधार अभिव्यक्ति दिएको भन्दै पार्टीको अनुशासन समितिले उनलाई स्पष्टिकरण सोधेको थियो । तर, कार्वाही गरी बर्खास्त गर्न लागिएको अवस्थामा उनले पार्टीबाट राजिनामा दिएका हुन् ।

खरेलले आफ्नै पार्टीको नामसमेत गलत लेखेर राजिनामा बुझाएका छन् । उनले राष्ट्रिय स्वतन्त्र पार्टीलाई नेशनल इण्डिपेन्डेण्ट पार्टी भनेर उल्लेख गरेका छन । जवकि पार्टीको नाम अंग्रेजीमा पनि राष्ट्रिय स्वतन्त्र पार्टी नै हो भने त्यसको छोटकरी रुप आरएसपी हो ।

खरेल रास्वपाबाट बारा–२ मा उपनिर्वाचन लडेका थिए । तर जसपाका उपेन्द्र यादवसँग उनले सर्वनाक हार व्यहोरेका थिए । रविको नाम लिएपछि चुनाव जितिन्छ भनेर उनले आफुले चलाईरहेको पार्टी पनि अलपत्र छोडेका थिए ।