काठमाडौं । एभरेष्ट बैंक लिमिटेडको नाफामा सामान्य सुधार देखिएको छ । बैंकले सार्वजनिक गरेको तेश्रो त्रैमासको अपरिस्कृत वित्तीय विवरण अनुसार बैंकले २ अर्व ६० करोड ८४ लाख रुपैयाँ खुद नाफा आर्जन गरेको छ । जुन खुद नाफा अघिल्लो वर्षको सोहि अवधिको तुलनामा ५.७७ प्रतिशतले धेरै हो । गत वर्ष बैंकले २ अर्ब ४६ करोड ६० लाख रुपैयाँ खुद नाफा आर्जन गरेको थियो ।

समिक्षा अवधिमा बैंकको खुद ब्याज आम्दानी ०.८२ प्रतिशतले बढेर घटेर ५ अर्ब ६३ करोड ३० लाख रुपैयाँ कायम भएको छ । त्यस्तै, सञ्चालन नाफा पनि ५.७८ प्रतिशतले बढेर ३ अर्ब ७२ करोड ६५ लाख रुपैयाँ पुगेको छ ।

त्यसैगरी, एभरेष्टको इम्पेयरमेन्ट चार्ज भने ५५ करोड १४ लाखबाट बढेर ६३ करोड ७१ लाख रुपैयाँ पुगेको छ । खराब कर्जा ०.७० प्रतिशतमा स्थिर रहेको छ भने बैंकको रिजर्भ कोष १५.४८ प्रतिशतले बढेर ११ अर्ब ९२ करोड ३२ लाख रुपैयाँ पुगेको छ ।

चैत मसान्तसम्ममा प्रतिसेयर आम्दानी १.१९ रुपैयाँले घटेर २९.५५ रुपैयाँ कायम भएको छ भने प्रतिसेयर नेटवर्थ २२६.७३ रुपैयाँ रहेको छ ।