">
काठमाडौँ । भारतीय अर्बपति गौतम अडानीको सम्पत्ति एक वर्षमै ३६ अर्ब डलरले बढेको छ । पछिल्लो रिपोर्टअनुसार अडानीको सम्पत्ति एक वर्षमै ३६.८ अर्ब डलर बढेको हो ।
योसँगै अडानी भारतको सबैभन्दा धनी व्यक्तिको सूचीमा दोस्रो स्थानमा रहेका छन् । अडानीको कुल नेटवर्थ ८४ अर्ब डलर रहेको छ ।
फोर्ब्सका अनुसार हाल भारतमा सबैभन्दा धनी व्यक्तिको पहिलो सूचीमा मुकेश अम्बानी रहेका छन् । हाल अम्बानीको कुल नेटवर्थ ११६ अर्ब डलर रहेको छ ।
त्यस्तै, भारतका २०० अर्बपतिमध्ये सबैभन्दा धनी व्यक्तिको सूचीमा तेस्रो स्थानमा शिव नाडर रहेका छन् भने चौथो स्थानमा ३३.५ बिलियन डलर नेटवर्थसहित सावित्री जिन्डल रहेकी छिन् ।
