">
काठमाडौँ । ग्लोबल आइएमई बैंकले तुल्सीपुरमा नयाँ एक्सटेन्सन काउन्टर सञ्चालनमा ल्याएको छ । बैंकले तुल्सीपुर उपमहानगरपालिका वडा नं ६ मदनआश्रित चोक, तुल्सीपुरस्थित मालपोत कार्यालयमा नयाँ एक्सटेन्सन काउन्टर सञ्चालनमा ल्याएको हो ।
बैंकले सेवाग्राहीको बढ्दो चाप र आवश्यकतालाई मध्यनजर गर्दै नयाँ एक्सटेन्सन काउन्टर सञ्चालनमा ल्याएको जनाएको छ । उक्त काउन्टर सञ्चालनमा आएसँगै बैंकका एक्सटेन्सन तथा राजश्व संकलन काउन्टरहरुको संख्या ६८ पुगेको छ ।
त्यस्तै, नयाँ एक्सटेन्सन काउन्टरबाट निक्षेप सङ्कलन, नगद भुक्तानी, मोबाइल तथा अनलाइन बैंकिङ सेवा, रेमिट्यान्सको सुविधा लगायत सबै किसिमका साधारण बैंकिङ सेवाहरू उपलब्ध हुनेछन् ।
तुल्सीपुर उपमहानगरपालिकाका प्रमुख टिकाराम खड्काले एक समारोहकाबीच नयाँ एक्सटेन्सन काउन्टरको समुद्घाटन गरेका हुन् ।
