काठमाडौं । गुराँस लघुवित्त वित्तीय संस्था लिमिटेडको नाफामा आकर्षक वृद्धि भएको छ । लघुवित्तले सार्वजनिक गरेको अपरिस्कृत वित्तीय विवरण अनुसार लघुवित्तले दुई करोड २४ लाख ७८ हजार रुपैयाँ खुद नाफा आर्जन गरेको छ । गत वर्षको सोहि अवधिमा कम्पनी ५४ लाख ९१ हजार रुपैयाँ नोक्सानमा थियो ।
तेश्रो त्रैमाससम्म आइपुग्दा लघुवित्तको नाफासँगै अन्य सूचकहरुमा पनि सुधार आएको छ । गुराँसको खुद ब्याज आम्दानी पनि ६७.११ प्रतिशतले बढेर ५ करोड ६९ लाख ६८ हजार रुपैयाँ पुगेको छ ।
त्यस्तै, समिक्षा अवधिमा लघुवित्तले २ करोड ९७ लाख ३४ हजार रुपैयाँ सञ्चालन आम्दानी गरेको छ । जबकी गत वर्ष ५४ लाख ९७ हजार रुपैयाँ सञ्चालन नोक्सानमा थियो ।
चैत मसान्तसम्म आइपुग्दा गुराँस लघुवित्तको चुक्ता पुँजी १० करोड १४ लाख रुपैयाँ छ । प्रतिसेयर आम्दानी १३ रुपैयाँ ९९ पैसा र प्रतिसेयर नेटवर्थ १४३ रुपैयाँ २३ पैसा छ ।
