काठमाडौं । कामना सेवा विकास बैंकको नाफामा सुधार देखिएको छ । बैंकले सार्वजनिक गरेको चालु आर्थिक वर्षको तेश्रो त्रैमासको वित्तीय विवरण अनुसार खुद नाफा ८.४५ प्रतिशतले बढेर ३३ करोड १३ लाख रुपैयाँ पुगेको छ । गत वर्षको सोहि अवधिमा बैंकले १९ करोड ५८ लाख ७१ हजार रुपैयाँ आर्जन गरेको थियो ।
समिक्षा अवधिमा बैंकको खुद ब्याज आम्दानी भने ४.४८ प्रतिशतले घटेर १ अर्व ४५ करोड रुपैयाँमा पुगेको छ ।गत वर्ष बैंकले १ अर्ब ५२ करोड रुपैयाँ खुद ब्याज आम्दानी गरेको थियो ।
त्यसैगरी, बैंकको सञ्चालन नाफा भने २.९२ प्रतिशतले बढेर ५४ करोड रुपैयाँ पुगेको छ । चैत मसान्तसम्म आइपुग्दा कामना सेवाको चुक्ता पुँजी ३ अर्ब २८ करोड ११ लाख ६४ हजार रुपैयाँ रहेको छ ।
बैंकको प्रतिसेयर आम्दानी ५० पैसाले बढेर १३ रुपैयाँ ४७ पैसा पुगेको छ भने प्रतिसेयर नेटवर्थ १५५ रुपैयाँ ३४ पैसा छ ।
