">
काठमाडौँ । काठमाडौँ महानगरपालिकाले इन्टर्नका लागि आवेदन माग गरेको छ । सोमबार एक सूचना जारी गर्दै महानगरको कृषि तथा पशुपन्छी विभागले इन्टर्नका लागि आवेदन माग गरेको हो ।
महानगरपालिकाले स्वर्णिय योजना ‘एग्रो पुलिङ कार्यक्रम’मा महानगरपालिका क्षेत्रभित्रका कृषि भण्डारण, बिक्री स्थल, आयात, खपत लगायतको तथ्याङ्क सङ्कलन गर्नुपर्ने भएकोले इन्टर्न माग गरेको जनाएको छ । महानगरका अनुसार उक्त योजनाको लागि १५ जना जनशक्ति माग गरिएको हो ।
महानगरले माग गरेको इन्टर्नमा कृषि विषयमा स्नातक तह अध्ययनरत वा उतीर्ण भएको हुनुपर्नेछ । योग्यता पुगेका इच्छुक आवेदकले आगामी ७ दिनभित्र internship. kathmandu.gov.np मार्फत आवेदन दिन सक्नेछन् ।
अनलाइन फर्म भर्न कठिनाई भए ९८१४३०००२८ मा सम्पर्क गर्न पनि महानगरले आग्रह गरेको छ । साथै इन्टर्न विद्यार्थीले प्राप्त गर्ने सुविधा सम्झौता अनुसार हुने महानगरले जनाएको छ । यस्तो छ महानगरको सूचना:
