काठमाडौँ । एनएमबि बैंकले चालु आर्थिक वर्षको तेस्रो त्रैमाससम्मको अपरिष्कृत वित्तीय विवरण सार्वजनिक गरेको छ । बैंकले सार्वजनिक गरेको वित्तीय विवरणअनुसार बैंकको खुद नाफा १६.४४ प्रतिशतले घटेको छ । समीक्षा अवधिमा बैंकले कुल २ अर्ब २४ करोड १५ लाख ९५ हजार रुपैयाँ खुद नाफा आर्जन गरेको छ । जबकी गत आर्थिक वर्षको सोही अवधिमा बैंकले २ अर्ब ६८ करोड २५ लाख रुपैयाँ खुद नाफा कमाएको थियो ।

समीक्षा अवधिमा बैंकको खुद ब्याज आम्दानी १४.७२ प्रतिशतले घटेको छ भने सञ्चालन मुनाफा पनि १३.७९ प्रतिशतले घटेको छ । बैंकको खुद ब्याज आम्दानी र सञ्चालन मुनाफा दुवै घटेपछि खुद नाफा पनि घटेको हो ।

त्यस्तै, यस अवधिमा बैंकको नाफासँगै प्रतिसेयर आम्दानी (ईपीएस) पनि घटेको छ । समीक्षा अवधिमा बैंकको यस्तो आम्दानी ३ रुपैयाँ २० पैसाले घटेर १६ रुपैयाँ २७ पैसामा सीमित भएको छ । समीक्षा अवधिमा बैंकको प्रतिसेयर नेटवर्थ १५७ रुपैयाँ १३ पैसा रहको छ ।