">
काठमाडौं । वैदेशिक रोजगारीका लागि विभिन्न देश पठाईदिने भन्दै रकम ठगी गर्ने दुई जना पक्राउ परेका छन् । पक्राउ पर्नेमा कन्चनपुर जिल्ला भिमदत्त नगरपालिका वडा नं. ०३ घर भई काठमाडौं महानगरपालिका वडा नं. १३ ताहाचल बस्ने ३३ वर्षीय मदन सिंह ठगुन्ना र महोत्तरी जिल्ला बलवा नगरपालिका वडा नं.९ घर भई हाल बुढानिलकण्ठ नगरपालिका वडा नं. १० कपन बस्ने ३७ वर्षीय अजमत राईन पक्राउ परेका हुन् ।
उनीहरुले आकर्षक तलबको प्रलोभनमा पारेर रकम ठगी गर्दै आएका थिए । क्रोएसिया, मलेसियालगायतका देश पठाईदिने भन्दै रकम ठगी गरेको प्रहरीले जनाएको छ।
मदन सिंह ठगुन्नाले दुई लाख ८७ हजार रुपैयाँ र अजमत राईनले दुई लाख रुपैयाँ ठगी गरेका थिए ।
उनीहरुलाई काठमाडौं उपत्यका अपराध अनुसन्धान कार्यलयबाट खटिएको प्रहरी टोलीले कुलेश्वर र कपनबाट पक्राउ गरेको हो । पक्राउ परेका दुई जनालाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको छ ।
