काठमाडौं। वैदेशिक रोजगारीका लागि विदेश पठाईदिने भन्दै रकम ठगी गर्ने दुई जना पक्राउ परेका छन् । पक्राउ पर्नेमा ३९ वर्षीय कृष्ण बहादुर चन्द र ३६ वर्षीय एलिजर तामाङ रहेका छन् ।

काठमाडौं उपत्यका अपराध अनुसन्धान कार्यालयबाट खटिएको प्रहरी टोलीले उनीहरुलाई चैत २८ गते नयाँ बानेश्वर र थापाथलीबाट पक्राउ गरेको हो ।

उनीहरुले पोर्चुगल, पोल्याण्ड लगायतका देश पठाईदिने भन्दै रकम ठगी गरेको प्रहरीले जनाएको छ । पीडित जाहेरीकर्ताका अनुसार आकर्षक तलबको प्रलोभनमा पारेर कृष्ण बहादुर चन्दले ११ लाख ५० हजार र एलिजर तामाङले एक लाख ५० हजार रुपैयाँ ठगी गरेका थिए ।

पक्राउ परेका दुवै जनालाई थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको छ।