">
काठमाडौँ । राष्ट्रिय वाणिज्य बैंकको प्रमुख कार्यकारी अधिकृत (सीईओ) किरणकुमार श्रेष्ठ सेवाबाट निवृत्त (अवकाश) भएका छन् । श्रेष्ठ बैंकमा दुई कार्यकाल पूरा गरेर चैत २८ गतेदेखि बैंकबाट बिदा भएका ुहन् । उनी पहिलोपटक राष्ट्रिय वाणिज्य बैंकमा २०७२ चैत २९ गते खुला प्रतिष्पर्धाबाट सीईओमा नियुक्त भएका थिए ।
त्यसपछि उनलाई २०७६ साल चैत २९ गते बैंकको सञ्चालक समितिले बैंकमा दोस्रो कार्यकालका लागि पुनः सीईओमा नियुक्त गरेको थियो ।
योसँगै बैंकको सीईओ पदमा रहेर ८ वर्षे कार्यकाल सफलतापूर्वक सम्पन्न गरेका श्रेष्ठलाई बुधबार एक कार्यक्रमकाबीच बैंक सेवाबाट बिदाई गरिएको छ । बिदाईका क्रममा श्रेष्ठले बैंकका रहँदासम्म साथ दिने सबैलाई धन्यवाद ज्ञापन गरेका थिए ।
श्रेष्ठको बिदाईसँगै बैंकका नायब प्रमुख कार्यकारी अधिकृत देबेन्द्ररमण खनाललाई बैंकको कामु सीईओको जिम्मेवारी दिइएको छ ।
