काठमाडौँ । कैलालीमा फेरी ट्रकमा आगलागी भएको छ । कैलालीको कैलारी गाउँपालिका–१, सुर्मिनालामा ट्रकमा आगलागी भएको हो ।
कञ्चनपुरदेखि उखु लोड गरेर आइरहेको ना ५ ख ४२६९ नम्बरको ट्रकका आगलागी भएको हो । गुडिरहेको ट्रकले विद्युतको तारमा छुँदा तार सर्ट भएर आगलागी भएको प्रहरीले जनाएको छ । प्रहरीका अनुसार आगलागीबाट ट्रकमा आंशिक क्षति भएको छ ।
बुधबार दिउँसो ट्रकमा लागेको आगलागी इलाका प्रहरी कार्यालय हसुलिया, सशस्त्र प्रहरी बल खोनपुर र स्थानीयको सहयोगमा नियन्त्रण गरिएको छ । आगलागीबाट कुनै मानवीय क्षति भने भएको छैन ।
