">
काठमाडौँ । नेपाल उद्योग वाणिज्य महासङ्घका अध्यक्ष चन्द्रप्रसाद ढकालले सरकारले ल्याएको नीति तथा कार्यक्रम आशलाग्दो आएको बताएका छन् । आगामी आर्थिक वर्षका लागि सरकारले सार्वजनिक गरेको नीति तथा कार्यक्रमबारे प्रतिक्रिया दिँदै अध्यक्ष ढकालले यस्तो बताएका हुन् ।
उनले नीति तथा कार्यक्रमका समेटिएका योजना बजेटमा पनि समावेश गर्न सके निजी क्षेत्र र समग्र अर्थतन्त्र सुधारमा आश जाग्ने प्रतिक्रिया दिएका छन् ।
त्यस्तै, अध्यक्ष ढकालले नीति तथा कार्यक्रम राम्रो भए पनि सरकारले गर्ने कार्यान्वयनमा भर बताए । ‘नीति तथा कार्यक्रमका प्रतिवद्धता अनुसार सरकारले बजेट ल्याउनुपर्छ । नीति तथा कार्यक्रम कार्यान्वयनमा भर पर्छ ।’, ‘उनले भने, ‘सरकारले नीति तथा कार्यक्रममा निजी क्षेत्रसँग सहकार्य गर्ने धेरै कार्यक्रमहरु ल्याएको छ । नीति तथा कार्यक्रमको आधारमा आउने बजेट र कार्यान्वयनमा भरपर्छ ।’
त्यस्तै, सरकारले नीति तथा कार्यक्रममा निजी क्षेत्रसँग सहकार्य गर्ने धेरै कार्यक्रमहरु ल्याएको अध्यक्ष ढकालको भनाई छ । उनले सरकारले नीति तथा कार्यक्रममा कृषि र उत्पादनलाई प्राथमिकता राखिनु सकारात्मक भएको बताएका छन् । बजेटमा सम्बोधन गरी कार्यान्वयनमा लैजानसके आशा जगाउने खालको कार्यक्रम रहेको ढकालको भनाई रहेको छ ।
