काठमाडौँ । राष्ट्रिय जनमोर्चा पार्टीका अध्यक्ष चित्र बहादुर केसीले सहकारी ‘ठग’लाई सरकारले जोगाउने षड्यन्त्र गरेको आरोप लगाएका छन् । आइतबार प्रतिनिधिसभाको बैठकमा बोल्दै सांसद केसीले यस्तो आरोप लगाएका हुन् । 

उनले सहकारी ठगीका विषयमा यति धेरै प्रश्न उठ्दा पनि सरकार मौन बस्नुले सहकारी ठगी गर्नेलाई जोगाउन सरकारले षड्यन्त्र गरेको पुष्टि हुने बताएका छन् ।

त्यस्तै, सांसद केसीले सहकारी ठगी गर्नेहरुलाई सरकारले जोगाउने षड्यन्त्र गरेर लोकतन्त्र र गणतन्त्रमाथि आक्रमण गरेको भन्दै सरकारको नीति तथा कार्यक्रमको विरोध गरेका छन् ।

‘सहकारी ठगी गरेर यत्रो मूलक नै बर्बाद पार्नेहरुलाई सत्ता पक्षले जोगाउन जुन खालको षड्यन्त्र गरिरहेका छ ।’, उनले भने, ‘यो लोकतन्त्र र गणतन्त्रमाथिकै आक्रमण हो । त्यसैले सत्ताधारीको यो नीति तथा कार्यक्रम पनि समर्थन गर्दैनौं, विरोध गर्दछौं ।’