">
काठमाडौँ । साताको कारोबारको चौथो दिन (आज ) बुधबार सुनको मूल्य घटेको छ । मंगलबार स्थिर रहेको सुनको मूल्य बुधबार २७ सय रुपैयाँले घटेको हो ।
कारोबारको अघिल्लो दिन प्रतितोला १ लाख ३७ हजार २ सय रुपैयाँमा कारोबार भइरहेको छापावाला सुन, आज २७ सय रुपैयाँले घटेर १ लाख ३४ हजार ५ सय रुपैयाँमा कारोबार भइरहेको छ । त्यस्तै, तेजाबी सुनको मूल्य पनि २७ सय रुपैयाँले घटेर प्रतितोला १ लाख ३३ हजार ८ सय ५० रुपैयाँमा कारोबार भइरहेको छ ।
यता चाँदीको मूल्य पनि घटेको छ । चाँदीको मूल्य २० रुपैयाँले घटेर प्रतितोला १६ सय ३० रुपैयाँमा कारोबार भइरहेको छ । नेपाल सुनचाँदी व्यवसायी महासंघका अनुसार प्रति १० ग्राम छापावाला सुनको मूल्य १ लाख १५ हजार ३ सय १५ रुपैयाँ, प्रति १० ग्राम तेजाबी सुनको मूल्य १ लाख १४ हजार ७ सय ५५ रुपैयाँ र प्रति १० ग्राम चाँदीको मूल्य १३९७.५० रुपैयाँमा किनबेच भईरहेको छ ।
सुनचाँदीको मूल्य सम्बन्धि दैनिक विवरण अर्थ सरोकार डटकममा ‘अटो अपडेट’ हुन्छ । अर्थ सरोकार ‘सुनचाँदी पेज’ मा सो विवरण हेर्न सकिन्छ ।
