काठमाडौं। कान्तिपुर मिडिया ग्रुपका अध्यक्ष कैलाश सिरोहियालाई हेलिकप्टरबाट काठमाडौं ल्याइएको छ । नागरिकता प्रकरणमा पक्राउ परेका सिरोहियालाई मुटुमा समस्या देखिएपछि उपचारका लागि काठमाडौं ल्याइएको हो ।

स्वास्थ्यमा समस्या देखिएपछि उनलाई गत शुक्रबार जनकपुरको काव्य अस्पतालमा भर्ना गरिएको थियो । काव्य अस्पतालले रिफर गरेपछि थप उपचारका लागि सिरोहियालाई मंगलबार काठमाडौं ल्याइएको हो।

हाल उनलाई मेडिसिटी अस्पतालमा भर्ना गरिएको छ भने उनलाई मुटु र उच्चरक्तचाप लगायतको समस्या रहेको चिकित्सकहरूले बताएका छन्।

सिरोहियालाई गत जेठ ८ गते नागरिकता कसुरमा धनुषा प्रहरीले प्रकाउ गरेको थियो।