काठमाडौँ । गरिमा विकास बैंकले टोयटा गाडी किन्न आधार दरमै कर्जा दिने भएको छ । गरिमा विकास बैंक र युनाइटेड ट्रेडर्स सिन्डिकेट प्रालि (नेपालको लागि टोयोटा गाडीको आधिकारिक वितरक) बीच भएको सम्झौता अनुसार टोयोटा गाडी खरिद गर्ने ग्राहकहरूलाई बैंकले आधार दरमा नै सवारी कर्जा दिने भएको हो ।

बैंकका ग्राहकहरूले व्यक्तिगत तथा व्यवसायिक दुवै प्रयोजनको लागि टोयोटा ब्रान्डको सवारी साधन खरिद गर्दा यो कर्जा सुविधा प्राप्त गर्नेछन् । सो सम्झौता पश्चात युनाइटेड ट्रेडर्स सिन्डिकेट प्रालिले बैंकलाई बैङ्किङ पार्टनरको रुपमा अघि बढाउने प्रतिवद्धता व्यक्त गरेको छ ।

ग्राहकहरूले नयाँ टोयोटा गाडी खरिद गर्दा गरिमा विकास बैंकबाट आधार दरमा नै अधिकतम १२ वर्षसम्मको अवधिका लागि सवारी कर्जा लिन सक्नेछन् ।

उक्त सम्झौतापत्रमा विकास बैंकको तर्फबाट प्रमुख कार्यकारी अधिकृत माधव प्रसाद उपाध्याय र युनाइटेड ट्रेडर्स सिन्डिकेटको तर्फबाट वरिष्ठ निर्देशक कैलाश बिराज भण्डारीले हस्ताक्षर गरेका हुन् ।