काठमाडौं । भिजिट भिसामा कुवेत पुर्याई मानव बेचबिखन गरेको आरोपमा प्रहरीले दुई जनालाई पक्राउ गरेको छ । पक्राउ पर्नेमा दैलेख जिल्ला नारायण नगरपालिका-९ घर भई हाल काठमाडौं तार्केश्वरमा बस्ने २४ वर्षीय राकेश सुनार भनिने गोपाल सुनार र गोर्खा जिल्ला पालुङटार-८ घर भई हाल टोखा नगरपालिका-६ बस्ने आयुष भनिने २५ वर्षीय आकाश बाबु विक रहेका छन् ।
उनीहरुले बेरोजगार महिलाहरुलाई दुबईमा रहेको कम्पनीमा आकर्षक तलब हुने प्रलोभनमा पारेर दुबई पुराएका थिए । काठमाडौं उपत्यका अपराध अनुसन्धान कार्यलयबाट खटिएको प्रहरी टोलीले उनीहरुलाई बौद्धबाट पक्राउ परेको हो ।
पक्राउ परेका उनीहरूलाई थप अनुसन्धान तथा कारबाहीको लागि मावन बेचबिखन अनुसन्धान व्यूरो बबरमहल पठाइएको प्रहरीले जनाएको छ ।
