काठमाडौँ । प्रमुख प्रतिपक्ष दल नेपाली कांग्रेसको अवरोधपछि प्रतिनिधि सभाको बैठक स्थगित भएको छ । बिहीबार साँझ ६ बजे बसेको बैठक कांग्रेसको अवरोधपछि स्थगित भएको हो ।
बैठक सुरु हुने बित्तिकै कांग्रेसका सांसदहरुले बैठकमा विरोध जनाएका थिए ।
बैठकमा कांग्रेसका सांसदहरुले ‘सहकारी ठगलाई कारबाही गर’, ‘सहकारी पीडितलाई न्याय दे’, संसदीय छानबिन समिति गठन गर’ लगायतका नारा लगाएका थिए ।
बैठकमा उनीहरुले सहकारी ठगी प्रकरणमा उपप्रधान एवम् गृहमन्त्री रवि लामिछानेको संलग्नताबारे छानबिन गर्न संसदीय छानबिन समितिको माग गरेका छन् ।
