">
काठमाडौँ । सूर्योदय वोमी लघुवित्त वित्तीय संस्थाको शाखा कार्यालय करापुटार लमजुङ जिल्लाको क्बहोला सोथार गाउँपालिका वडा नं ५ स्थित सिङ्दिमा १ दिने वित्तिय साक्षरता तथा व्यावसायिक बाख्रा पालन तालिम सम्पन्न भएको छ । लघुवित्तले समुहमा आवद्ध समुह सदस्यहरूको क्षमता अभिवृद्धिका लागि १ दिने व्यावसायिक बाख्रा पालन सम्बन्धी तालिम सम्पन्न गरेको हो ।
स्वरोजगार सिर्जना गर्ने उद्देश्यका साथ शाखा कार्यालय करापुटारमा आवद्ध ५५ जना सदस्यहरूमा सञ्चालित कार्यक्रममा प्रशिक्षक अनुप देवकोटाले तालिमलाई सहजीकरण गरेका थिए । तालिममा व्यावसायिक बाख्रा पालनको परिचय, महत्व, बजार, रोग नियन्त्रण तथा प्रजनन व्यवस्थापन, हेरचाह, खोर व्यवस्थापन लगायतका विषयहरूमा प्रशिक्षण गरिएको थियो । कार्यक्रमलाई सञ्चालन सम्बन्धित शाखाका शाखा प्रमुख देवेन्द्र लम्सालले गरेका थिए ।
उक्त कार्यक्रमको अध्यक्षता संस्था आवद्द सदस्य तथा क्बहोला सोथार गाउँपालिका वडा न ५ कि महिला सदस्य बर्ता गुरुङ, प्रमुख अतिथि सोही वडाका वडा अध्यक्ष गीत बहादुर गुरुङ, अतिथिमा सोही वडाको सदस्य, आमा समुह उपाध्यक्ष , सचिव र सूर्योदय वोमी लघुवित्त स्टेसन कार्यालय लामाचौरका अधिकृत मेख बहादुर आलेलगायत त्यहाँ कार्यरत कर्मचारीहरूले व्यवस्थापन गरेका थिए ।
कार्यक्रमको स्वागत मन्तव्य शाखाको लेखापाल अनुप राज घिमिरेले गरेका थिए भने शुभकामना मन्तव्य कार्यक्रमको औचित्य तथा वित्तिय साक्षरता सम्बन्धी कुराहरू अनुगमन अधिकृत मेख बहादुर आलेले राखेका थिए ।
सो संस्थाले आगामी दिनहरूमा पनि यस्ता कार्यक्रम गर्ने जनाएको छ ।
