काठमाडौँ । कालिमाटी फलफूल तथा तरकारी बजार विकास समितिले शुक्रबारका लागि तरकारी तथा फलफूलको मूल्य सार्वजनिक गरेको छ । समितिले सार्वजनिक गरेको मूल्यसूची अनुसार आज अकबरे खुर्सानीको मूल्य घटेको छ । अकबरे खुर्सानी १०० रुपैयाँले घटेर प्रतिकेजी न्युनतम २०० रुपैयाँमा किनबेच भईरहेको छ ।
नेपाली ठूलो गोलभेडा ३० रुपैयाँ, भारतीय ठुलो गोलभेडा ६० रुपैयाँ, लोकल सानो गोलभेडा १६ रुपैयाँ, भारतीय सानो गोलभेडा २५ रुपैयाँ र सानो गोलभेडा (तराई) ३० रुपैयाँ प्रतिकेजी रहेको छ । त्यस्तै, रातो आलु ४५ रुपैयाँ र भारतीय रातो आलु ४८ रुपैयाँ प्रतिकेजी रहेको छ ।
त्यसैगरी, भारतीय सुकेको प्याज ६० रुपैयाँ, लोकल गाजर ५५ रुपैयाँ, तराई गाजर ४० रुपैयाँ, बन्दा लोकल ४० रुपैयाँ, स्थानीय काउली ४० रुपैयाँ, स्थानीय काउली (ज्यापु) ५० रुपैयाँ, सेतो मुला (हाइब्रिड) ३० रुपैयाँ, भन्टा लाम्चो ३५ रुपैयाँ, भन्टा डल्लो ६०, तने बोडी ८०, मकै बोडी १००, मटरकोशा ९० रुपैयाँ, लोकल घ्यु सिमि ७०, हाइब्रिड घ्यु सिमि ७०, घ्यु सिमि राजमा १००, भटमासकोसा १३०, रुपैयाँ प्रतिकेजीमा कारोबार भईरहेको समितिले जनाएको छ ।
तितो करेला ५०, लौका ३०, लोकल परवर ९० रुपैयाँ, परवर (तराई) ७० रुपैयाँ, चिचिण्डो ७० रुपैयाँ, घिरौला ४०, झिगुनी ७०, फर्सी पाकेको ३५, हरियो फर्सी (लाम्चो) ४०, हरियो फर्सी (डल्लो) ४०, भिण्डी ६०, सखरखण्ड ७०, स्कुस ५० रुपैयाँ रहेको छ । त्यस्तै, रायो साग ७० रुपैयाँ, पालुंगो साग १३० रुपैयाँ, चम्सुरको साग १३० रुपैयाँ, तोरीको साग ४० रुपैयाँ र मेथीको साग १३० रुपैयाँ प्रतिकेजीमा किनबेच भईरहेको छ ।
साथै, हरियो प्याज ८०, कन्य च्याउ १५०, डल्ले च्याउ २८०, कुरिलो ३००, न्युरो ११०, ब्रोकाउली ११०, चुकन्दर ५०, सजीवन ९०, कोइरालो ३००, रातो बन्दा ५०, जिरीको साग ६०, ग्याठ कोबी ७०, सेलेरी १२०, पार्सले २००, सौफको साग १३०, पुदिना १५०, गान्टे मुला ८०, इमली १४०, तामा १००, तोफु १५०, गुन्द्रुक २५०, अदुवा २६०, सुकेको खुर्सानी ४००, हरियो खुर्सानी ८०, खुर्सानी हरियो (बुलेट) ८०, खुर्सानी हरियो (माछे) ९०, भेडे खुर्सानी ८०, खुर्सानी हरियो (अकबरे) २००, हरियो लसुन १००, हरियो धनिया १००, चाइनिज सुकेको लसुन २७०, नेपाली सुकेको लसुन २००, छ्यापी सुकेको १८० रुपैयाँ र छ्यापी हरियो १२० रुपैयाँ रहेको समितिले सार्वजनिक गरेको मूल्यसुचीमा उल्लेख छ ।
यता, फुजी स्याउ ३००, केरा (दर्जन) १२०, कागती ३००, अनार २५०, आपँ (मालदह) १००, हरियो अंगुर २००, कालो अंगुर २८०, तरबुजा (हरियो) ३०, मौसम १८०, जुनार २५०, भुई कटहर प्रति गोटा १८०, रुख कटहर ६०, लोकल काक्रो ४०, हाइब्रिड काक्रो २०, नेपाली मेवा ९०, भारतीय मेवा ८०, स्ट्रबेरी ३५०, किवि ५०० र आभोकाडो ५५० रुपैयाँ न्युनतम मूल्यमा कारोबार भइरहेको छ ।
तरकारी तथा फलफूलको मूल्य सम्बन्धि दैनिक विवरण अर्थ सरोकार डटकममा ‘अटो अपडेट’ हुन्छ । अर्थ सरोकार ‘तरकारीको भाउ’ पेजमा गई सो विवरण हेर्न सकिन्छ ।
