काठमाडौँ । प्रधानमन्त्री केपी शर्मा ओली सौर्य एयरलाइन्सको जहाज दुर्घटनामा परेर घाइते भएका क्याप्टेन मनिषरत्न शाक्यलाई भेट्न अस्पताल पुगेका छन् । प्रधानमन्त्री ओली सिनामंगलस्थित काठमाडौँ मेडिकल कलेज (केएमसी)मा उपचाररत क्याप्टेन शाक्यलाई भेट्न अस्पताल पुगेका हुन् ।

बुधबार साँझ अस्पताल पुगेका ओलीले क्याप्टेन शाक्यको स्वास्थ्य अवस्थाबारे जानकारी लिएका छन् ।

शाक्यको स्वास्थ्य अवस्थाबारे बुझ्न अस्पताल पुगेका ओलीले उपचारमा संलग्न चिकित्सक र शाक्यको परिवारसँग पनि कुराकानी गरेका थिए ।

बुधबार बिहान ११ बजेर ११ मिनेटमा प्राविधिक परीक्षणका लागि काठमाडौँबाट पोखरा जान लागेको सौर्य एयरको विमान दुर्घटनामा परेको थियो । विमान दुर्घटना हुँदा विमानमा सवार १८ जनाले ज्यान गुमाएका छन् ।