काठमाडौं । अमेरिका पठाइदिने भन्दै रकम ठगी गर्ने एक जना पक्राउ परेका छन् । पक्राउ पर्नेमा काठमाडौं महानगरपालिका वडा नं. ९ घर भएका ३० वर्षीय बलराम थापा मगर रहेका छन् ।

उनले आकर्षक तलबको प्रलोभनमा पारेर अमेरिका पठाउने भन्दै ८ लाख ८० हजार रुपैयाँ ठगी गरेका थिए । उनलाई काठमाडौं उपत्यका अपराध अनुसन्धान कार्यलयबाट खटिएको प्रहरी टोलीले काठमाडौं महानगरपालिका वडा नं. १२ पचली भैरवबाट पक्राउ गरेको हो ।

उनलाई साउन ७ गते पक्राउ गरी थप अनुसन्धान तथा आवश्यक कारवाहीका लागि वैदेशिक रोजगार विभाग पठाईएको प्रहरीले जनाएको छ ।